Presidenti ukrainas, Volodymyr Zelensky paralajmëroi për kthimin e fashizmit në Evropë, 80 vjet pas Ditës D , pushtimit aleat të Francës që hodhi themelet për humbjen e Gjermanisë naziste në Luftën e Dytë Botërore.

“Fatkeqësisht, ne jetojmë në një kohë kur Evropa nuk është më një kontinent paqeje. Dhe në një kohë kur nazizmi për fat të keq po rikthehet”, i tha Zelensky Asamblesë Kombëtare Franceze në Paris të premten.

Zelensky ishte bashkuar me liderët dhe veteranët e tjerë botërorë në shënimin e 80-vjetorit të zbarkimit të Ditës D në Normandi, Franca veriperëndimore, të enjten, ndërsa pushtimi rus i Ukrainës po vazhdon.

“Edhe një herë në Evropë, qytetet po shkatërrohen plotësisht dhe fshatrat po digjen. Edhe një herë në Evropë po shfaqen kampet e filtrimit dhe deportimit dhe urrejtja, e cila është bërë një kult i ri rus”, u tha Zelensky ligjvënësve francezë të premten.