Ukraina është “plotësisht e përkushtuar” ndaj dialogut konstruktiv me përfaqësuesit amerikanë në Arabinë Saudite javën e ardhshme dhe shpreson të bien dakord për vendimet dhe hapat e nevojshëm, tha të shtunën presidenti ukrainas Volodymyr Zelenskyy, raporton Reuters.

“Ukraina ka kërkuar paqe që në sekondën e parë të kësaj lufte. Propozimet reale janë në tryezë. Çelësi është të lëvizësh shpejt dhe në mënyrë efektive, tha Zelenskyy në rrjetin e mediave sociale X.

“Nga ana jonë, ne jemi plotësisht të përkushtuar ndaj dialogut konstruktiv dhe shpresojmë të diskutojmë dhe të biem dakord për vendimet dhe hapat e nevojshëm”, shtoi ai.

Zelenskyy tha se do të vizitojë Arabinë Saudite javën e ardhshme dhe pas takimit të tij me Princin e Kurorës të hënën, përfaqësuesit diplomatikë dhe ushtarakë ukrainas do të qëndrojnë për një takim të martën me ekipin amerikan./Reporteri.net/