Alexander Manolev, ish-zëvendësministri i Turizmit dhe zëvendësministri i tanishëm i Ekonomisë, e ka vënë në pronësi kompleksin turistik të ndërtuara me fondet e BE’së. Kompleksi i ndërtuar, është pjesë e Programit për Zhvillim Rural të Bashkimit Evropian.

Paratë për ndërtimin e kompleksit, janë aprovuar në dhjetor të vitit 2015, një muaj pasi Manolev ishte emëruar zëvendësministër i turizmit.

Pasi projekti përfundoi, Manolev dhe familja e tij, e përdorën vilën për nevojat e tyre private.

Askujt nuk i lejohej hyrja, edhe pse ishte e hapur për qira-dhënie, aty mund të hynte vetëm Manolev ose familjarët e tij, dhe do të përdorej për pushimet e tyre.

Vendi ku është ndërtuar, është i pasur me ujë mineral, dhe qëllimi i ndërtimit të tij ishte ndërtimi i një kompleksi banje, që do të shërbente për shërim.

Vetëm një javë pas ndërtimit, vila ishte vendosur në emër të motrës së zëvendësministrit, dhe tani BE’ja po e shqyrton mundësinë e një padie ligjore ndaj tij për shkak të keqpërdorimit të fondeve.