Kompania gjermane biofarmaceutike CureVac ka njoftuar efikasitetin zhgënjyes paraprak në provën klinike të vaksinës së saj Covid-19.

Vaksina e saj mARN ishte vetëm 47% efektive, një nga më të ulëtat e raportuara nga prodhuesit e vaksinaveCovid-19.

Prova Herald faza 2b / 3, e kryer në rreth 40,000 vullnetarë në dhjetë shtete në Amerikën e Jugut dhe Evropë do të vazhdojë, ndërsa rastet e reja me Covid-19 shfaqen gradualisht midis pjesëmarrësve.

Një analizë përfundimtare e efektivitetit pritet në dy ose tre javë, sipas New York Times dhe Reuters.

“Ne po lëvizim shpejt për njoftimin përfundimtar. Ne jemi ende duke planifikuar të aplikojmë për miratim,” tha Franz-Werner Haas, shefi ekzekutiv i kompanisë, por specialisti i vaksinave Jacob Kierkegaard i Institutit Peterson për Ekonomi Ndërkombëtare në Uashington i quajti rezultatet “katastrofike”.