Guvernatori i Kalifornisë Gavin Newsom ka shpallur emergjencën mbarëkombëtare pasi zjarret vazhdojnë të përfshijnë zonën.

Rreth 180,000 njerëz në veri janë urdhëruar të largohen nga shtëpitë e tyre. Ndërsa rrugët në Santa Rosa u mbushën me makina ndërsa njerëzit përpiqeshin të iknin.

Dhjetëra mijëra shtëpi janë nën kërcënim nga zjarret. Miliona njerëz janë pa energji elektrike.

Kompanitë e energjisë po përpiqen që të ndalojnë kabllot e dëmtuara të shkaktojnë zjarre të reja.

Një milion njerëz të tjerë pritet të mbesin pa energji elektrike në orët në vazhdim.

Erërat e forta favorizojnë përhapjen e flakëve. Zjarri i Kincade, më i madhi nga më shumë se një duzinë zjarresh që janë aktive, ka djegur më shumë se 30.000 hektarë tokë që nga e mërkura në Qarkun Sonoma.