Pentagoni do të marrë dozat e para, të destinuara kryesisht për personelin mjekësor ushtarak kur vaksinat miratohen nga autoritetet shëndetësore të ShBA.

Sekretari amerikan i Mbrojtjes dhe zyrtarët e lartë ushtarakë amerikanë kanë planifikuar të vaksinohen kundër COVID 19 javën e ardhshme, deklaruan zyrtarët e Pentagonit të ngarkuar me shpërndarjen e vaksinave, shkruan Aljazeera dhe transmeton Zeri.info

Thomas McCaffery, zëvendësministër i Shëndetësisë në një konferencë shtypi deklaroi se “Departamenti i Mbrojtjes i SHBA pret afër 44,000 doza të vaksinës Pfizer javën e ardhshme,”

“Ne plotësisht besojmë se mund të fillojmë vaksinimin brenda 24 deri në 48 orë pas miratimit,” tha gjenerali Ronald Place, drejtori i agjencisë shëndetësore në Departamentin e Mbrojtjes.

Përveç mjekëve ushtarakë dhe personelit shëndetësor në gjashtëmbëdhjetë baza ushtarake në Shtetet e Bashkuara, Gjermania, Koreja e Jugut dhe Japonia, “një numër i vogël i zyrtarëve të lartë do të vaksinohen vullnetarisht në publik për të dërguar një mesazh të efikasitetit dhe sigurisë së vaksinës”.

Do të jenë sekretari i përkohshëm Christopher Miller, zëvendësi i tij David Norquist dhe shefi i shtabit gjeneral Mark Milley, si dhe zyrtarë të tjerë ushtarakë