Policia e Kosovës ka arrestuar dy persona të dyshuar, pasi të njëjtit, pas një mosmarrëveshje janë përfshirë në një rrahje mes veti.

Në rrahje, siç njofton Policia, janë përfshirë edhe familjarët e të dyshuarve.

Si pasojë e rrahjes, një burrë dhe dy gra kanë pësuar lëndime të lehta trupore.

Rasti ka ndodhur në Pejë, dje rreth orës 18:45.

“Me urdhër të prokurorit njëri nga të dyshuarit është liruar në procedurë të rregullt, kurse i dyshuari tjetër dërgohet në mbajtje”, thuhet në raportin 24-orësh të PK-së.