Ministri për Kulturë, Rini dhe Sport, Hajrulla Çeku, e ka mirëpritur dënimin e dytë të FIFA-s ndaj Serbisë.

Në llogarinë e tij në Facebook, Çeku ka shkruar se shovinizmi serb nuk kalon.

“Dënimi i parë para pak javësh për banerin skandaloz me thirrje për gjenocid. Dhe sot, dënimi i dytë për fyerjet e ekipit dhe tifozëve ndaj shqiptarëve. Të dy rastet zyrtarisht të nisura nga Federata e Futbollit e Kosovës, me mbështetje të gjerë publike e institucionale”.

FIFA ka gjobitur Serbinë me 50,000 franga zvicerane (54,000 dollarë) për thirrjet ofenduese të tifozëve gjatë humbjes 3-2 kundër Zvicrës.

Bëhet fjalë për ndeshjen në Kupën e Botës në Katar, ku tifozët serbë kanë fyer vazhdimisht Xherdan Shaqirin, Granit Xhkën dhe dy lojtarë të tjerë të shqiptarë të Zvicrës.

FIFA dënon Serbinë me 50 mijë franga për ofendimet ndaj Xhakës dhe Shaqirit