Vlora Çitaku, nënkryetare e Partisë Demokratike të Kosovës, ka shkruar për ish-krerët e UÇK-së, Hashim Thaçi, Kadri Veseli, Jakup Krasniqi, Rexhep Selimi, të cilën janë duke u mbajtur në Hagë, procesin ndaj të cilëve ajo e ka cilësuar si absurd. 

Çitaku ka thënë se, Specialja ka përfunduar në mekanizëm përndjekës, duke konfiskuar telefona e bastisur shtëpi, dhe duke u përpjekur të instalojë frikë e terror.

Postimi i plotë:

Hashim Thaçi, Kadri Veseli, Jakup Krasniqi, Rexhep Selimi tash e gati katër vite po mbahen peng në një proces absurd në Hagë.

Një Gjykatë e cila kishte për detyrë të bënte drejtësi pas akuzave monstruoze e të fabrikuara për trafikim organesh, ka përfunduar në një mekanizëm përndjekës, duke konfiskuar telefona, duke bastisur shtëpi, e duke u përpjekur të instalojë frikë e terror.

Mungesa e provave në proces po mundohet të kompenzohet me krijim të dramave këtu brenda Kosovës.

Të tilla ishin edhe këto skenaret e ditëve të fundit me Hajredin Kuqin, Sami Lushtakun dhe Sylejman Selimin.

Keni me dështu. Nuk ju frikësohet askush. Sepse nuk kemi pse.
Dielli do të lindë përsëri.

Specialja në aksion këtë javë, bastisti shtëpinë e Sylejman Selimit, ia mori telefonin Sami Lushtakut dhe e kontaktoi Hajredin Kuçin