Një fotografi e publikuar dje nga deputetja e Partisë Demokratike të Kosovës, Flora Brovina, tronditi opinionin në Kosovë e më gjerë.

Brovina prezantoi atë që e cilësoi dëshmi fotografike të përdhunimit të një gruaje kosovare në kohë të luftës, nga ushtarët serbë, në sytë e familjes së saj. Por nuk ishte ashtu, ajo fotografi doli të jetë nga një film pornografik.

Ambasadorja e Kosovës në SHBA, Vlora Çitaku ka shkruar në facebook një kërkim falje për viktimën, gruan e parë shqiptare që rrëfeu për dhunën në kohë lufte.

“Vasfije Krasniqi Goodman, na fal.”, ka shkruar Vlora Çitaku, në Facebook.