Rrugët e Prishtinë janë mbushur plot me qytetarë të cilët kanë dalë për të festuar 20 vjetorin e çlirimit të Kosovës.

E kjo festë bëhet edhe më e madhe kur për të festuar bashkë me ne janë edhe miqtë e mëdhenj të Kosovës, ish presidenti amerikan, Bill Clinton, ish-sekretarja amerikane Madeline Albright, e gjenerali Wesley Clark,  si dhe shumë personalitete të tjera shkruan Reporteri.net.

Qytetarë të shumtë kanë dalë në sheshet e kryeqytetit dhe po presin parakalimin ish-presidentit të SHBA-ve, Bill Clinton, ish-sekretares, Madeleine Albright, gjeneralit, Wesley Clark.

Siç shihet në fotot e mëposhtme një turmë e madhe njerëzish janë mbledhur pranë hotelit “Swiss Diamond”, ku presidenti Clinton po qëndron gjatë vizitës së tij në Kosovë.

Pas kësaj ngjarje, të lartpërmendurit do të vazhdojnë deri te monumenti i ‘NewBorn’, ku do të zbulohet busti i Albright.  /Reporteri.net