Ministri i Jashtëm serb, Ivica Daçiq ka thënë se të paktën deri në dhjetor nuk pritet ndonjë përparim i madh në dialogun Kosovë-Serbi, transmeton Reporteri.net.

“Nuk është realiste të pritet ndonjë përparim i madh në dialogun Beograd-Prishtinë, por bisedime pak më intensive mund të fillojnë nga dhjetori”, tha Daçiq pas takimit me të ngarkuarin special të SHBA-ve për Ballkanin Perëndimor, Matthew Palmer.

Daçiq ndër të tjera tha se pret që SHBA-të të bëjnë presion shtesë mbi qeverinë e re të Prishtinës për të hequr taksën dhe kështu të krijojnë kushte për dialog të vazhdueshëm./Reporteri.net