Ministri i Jashtëm i Serbisë, Ivica Daçiq, në sesionin e rregullt për Kosovën në Këshillin e Sigurimit të OKB-së ka eskaluar me deklaratat e bëra pasi ka akuzyar shqiptarët e Kosovës për gjenocid ndaj serbëve.

Sipas tij, në 20 vitet e fundit, 311 vendbanime në Kosovë ku ka pasur banorë serbë janë spastruar etnikisht dhe janë bërë me banorë vetëm shqiptarë.

“Kjo është dëshmi e qartë e një gjenocidi të shqiptarëve”, tha ai.

Kryediplomati serb shtoi se deri në vitin 1999 në Prishtinë kanë jetuar 40 mijë serbë. E sot, sipas tij, numri i tyre është më pak se 100.

“Mbi 10 mijë serbë kanë jetuar deri më 1999 në Prizren, në qytetin ku kam lindur unë, e sot janë vetëm 23 serbë. Këto janë shifra të sakta dhe dëshpëruese”, tha ai.