Ivica Daçiq e ka shfaqur mosdurimin e tij ndaj shtetit të Kosovës dhe Perëndimit.

Kosovarëve të prirë nga Vlora Çitaku pas debatit në Këshill të Sigurimit ua ngriti zërin ndërsa vendet perëndimore i quajti kolonizatorë, ashtu siç bënte shefi i tij Sllobodan Millosheviq para 2 dekadash.

Kyediplomati serb ofendon Çitakun, po edhe përfaqësuesit e SHBA’së dhe të Britanisë së Madhe, duke i quajtur ‘kolonizatorë’.

Ai nuk tregon respekt për asnjë në Këshill të Sigurimit, duke bërtitur në gjuhen serbe në selinë e OKB’së në Nju Jork të SHBA’së.

“Për çfarë kolonizimi e ke fjalën? Kolonizatorët janë ata me të cilët je ulur”, thotë Daçiq në serbisht.

Citaku gjatë mbledhjes së Këshillit të Sigurimit të OKB’së i është përgjigjur Daiciqit për shumë çështje që kanë të bëjnë me Kosovën, e ndër të tjera i ka thënë se “pavarësia e Kosovës është produkt i dekolonizimit”.