Shefi i politikës së jashtme të Bashkimit Evropian, Josep Borrell, dhe i dërguari i BE-së për dialogun Kosovë-Serbi, Mirosllav Lajçak, pritën në ora 15:00 në takim Kryeministrin e Kosovës, Albin Kurti. 

Me të përfunduar pas një ore takimin me Kurtin, ata e priten në të njëjtën hapësirë presidentin e Serbisë, Aleksandër Vuciqin, ndërsa pas orës 17:00 pritet një takim i përbashkët mes tyre.

Ndërkohë, përveç fotografive, BE-ja ka shpërndarë edhe pamjet me video nga pritja në takim që iu bë Kurtit në Bruksel nga Borrell dhe Lajçak.

Blloku evropian e konsideron takimin e sotëm mes Kurtit dhe Vuçiqit – të gjashtin me radhë – si më të rëndësishmin, sepse kësaj here, sipas burimeve në Bruksel, nuk do të ketë diskutime për menaxhimin e krizave, por për një dinamikë të re të raporteve.

Të dyja palët pritet të arrijnë pajtueshmëri për propozimin e BE-së, si një “marrëveshje bazë” për normalizimin e raporteve.

Këtë propozim e përkrahin edhe Shtetet e Bashkuara.

Escobar arrin në ndërtesën ku po zhvillohen takimet e Kurtit dhe Vuçiqit me Borrellin e Lajçakun