Qeveria e Kosovës ka marrë vendim që të pezullojë punën e çerdheve publike dhe private, një muaj pasi që ato u hapën pas situatës me COVID-19.

Ky vendim nuk është pritur mirë nga punonjësit e çerdheve. Këtë vendim të Qeverisë e ka kritikuar edhe shefi i grupit parlamentar të AAK-së, Daut Haradinaj.

Haradinaj tha se  se nuk pajtohet me vendimin për mbylljen e çerdheve. Ai e quajti këtë vendim të nxituar dhe të paanalizuar mirë, shkruan Reporteri.

“Nuk pajtohem me mbylljen e çerdheve. Mendoj se është e gabueshme. Gjithsesi institucionet e dinë, por mendoj që ka qenë një vendim i nxituar, i pa analizuar mirë, por këta e dinë më mirë”, tha Haradinaj.

“Nuk është mirë shumë me përhap panik, po është mirë me i marrë masat. Unë e inkurajoj ministrin, qeverinë që me i kry detyrat e veta edhe me e tejkalua këtë fatkeqësi që e kemi”, shtoi në fund ai. /Reporteri