Deputeti i AAK-së, Daut Haradinaj, ka reaguar pas konfirmimit të aktakuzës ndaj Hashim Thaçit dhe Kadri Veseli.

Ai përmes një postimi në Facebook ka shkruar se Thaçi e Veseli do të kthehen më të fortë.

“Do të ktheheni edhe më të fortë!”, ka shkruar Haradinaj.

Kujtojmë se Aleanca për Ardhmërinë e Kosovës (AAK) ka mbajtur takim të jashtëzakonshëm me strukturat e saj pas ngritjes së aktakuzave ndaj Thaçit e Veselit me ç’rast ka kërkuar që dialogu të ndërpritet.

Kjo parti ka kërkuar mbajtjen e një mbledhje të jashtëzakonshme të qeverisë, mbledhjen e Kuvendit, si dhe ndërprerjen e menjëhershme të gjitha aktiviteteve që lidhen me procesin e dialogut me Serbinë, deri në një situatë të re.