Një infermier i spitalit Rajonal të Gjakovës, siç ka raportuar mbrëmë Gazeta Online “Reporteri.net”, ka rezultuar të jetë infektuar me Coronavirus.

43 vjeçari nga Gjakova, mbrëmë rezultoi të jetë kosovari i 24 i prekur me pandeminë COVID-19, mirëpo gjatë ditës së sotme numri i të infektuarve është rritur në 28, në mesin e tyre edhe një rast nga Gjakova.

Bëhet fjalë për bashkëshorten e infermierit të infektuar, 40 vjeçare nga Gjakova, po ashtu me profesion infermiere. Ajo tashmë është nën kujdes mjekësor, shkruan Reporteri.net.

Këtë e ka konfirmuar Hilmi Shala, drejtor i Spitalit të Gjakovës.

Ndryshe infermieri 43 vjeçar nga Gjakova përpos rrethit familjar e pacientëve, ka pasur kontakt fizik edhe me deputetë të Kuvendit të Kosovës.

Ndryshe, në Kosovë deri më tani janë konfirmuar 28 raste, në total, me COVID-19. Rasti i parë u identifikua para një jave në Stubull të Vitisë.

Kjo e çon në dy numrin, ku një punëtor shëndetësor në Kosovë preket nga pandemia që ka shqetësuar të gjithë globin në muajt e fundit. /Reporteri.net