Deputetja e Partisë Demokratike të Kosovës (PDK), Blerta Deliu ka kritikuar ashpër kryeministrin Albin Kurti për qasjen e tij karshi marrëveshjes së Uashingtonit.

Duke akuzuar për mungesën e tij në sallën e Kuvendit, ku po diskutohet për këtë marrëveshje, deputetja opozitare tha se ndjen keqardhje për llojin e pushtetit që ka zgjedhur të qeverisë.

Deliu tha se kreu qeveritar recitoi poezi dhe farsë politike në fjalinë e tij në Kuvend.

“Kjo që pamë sot nuk është asgjë më shumë e më pak se një farsë e kryeministrit, i cili vjen në parlament veëtm për ta recitu poezinë e tij dhe fillu agjendat e tij. Për të vazhduar folklorin e tij e politik lidhur me interesin nacional të vendit dh është i pasinqertë me ata që kanë besuar dhe besojnë në Albin Kurtin. Unë ndjej keqardhje për llojin e pushtetit që ka zgjedhur të qeverisë Albin Kurti”, tha ajo.