Deputetja e Partisë Demokratike të Kosovës, Blerta Deliu-Kodra, ka thënë se subjekti që ajo përfaqëson asnjëherë nuk ka rrezikuar raportet me aleatin strategjik, Shtetet e Bashkuara të Amerikës.

Ajo ka hedhur akuza ndaj Qeverisë në krye me Albin Kurtin, se ka tensionuar skajshmërisht marrëdhëniet me SHBA-të, njofton Klan Kosova.

”Unë prapë e them që asnjëherë raportohet tona me një aleat strategjik s’kanë qenë më të rënduara se sa në 50 ditëshin e kësaj qeverie”.

”Tallje, etikimet se: ”Shtëpia e Bardhë qenka e verdhë apo e kuqe”, propaganda e thirjet e Albin Kurtit se ” Qeveria amerikane ka prishur Qeverinë”, shumë e shumë të tjera thënie – na sjell në përfundim se ka pasur përshkallëzim të raportit me aleatin kryesor”.

”Asnjëherë këto raporte me SHBA-të nuk kanë qenë në një fazë më të tensionuar sesa në këto ditë të qeverisjes”, ka deklaruar Deliu-Kodra.