Në lagjen Kalabria në Prishtinë, në rrugën “Ali Vitija” është dëmtuar një gyp i ujit, dhe tash e disa orë banorët kanë mbetur pa ujë të pijshëm, shkruan Reporteri.net.

Gazeta Online Reporteri.net ka kontaktuar Kompaninë Rajonale të Ujësjellësit “Prishtina”, të cilët kanë thënë se prishjen e ka bërë kompania e cila ka nisur para pak javësh disa punime në një hapësirë.

“Gypin e ujit e ka dëmtuar kompania që janë duke ndërtuar. Ekipet e mirëmbajtjes së KRUP janë aty për ta sanuar defektin e shkaktuar nga palë të treta”, tha për Reporteri.net zëdhënësja për media e KRUP-it, Arjeta Mjeku.

E pyetur se a pritet të rregullohet ky problem sonte, Mjeku tha vetëm se “varet nga dëmtimi që është shkaktuar”./Reporteri.net/.