Deputeti i LDK-së, Arben Gashi, bashkë me kolegët e tij, Valentina Bunjaku, Rrezarta Krasniqi e Armend Zemaj kanë vizituar komunën e Istogut, pas vërshimeve që pati.

Gashi tha se dora ndihmëse e e shtetit është domosdoshmëri për qytetarët, ku bëri të ditur se dëmet në Istog i panë nga afër bashkë me kryetarin e komunës, Ilir Feratin.

“Komuna e Istogut dhe komunat tjera që u përballën me vërshime kanë nevojë për mbështetje të menjëhershme nga Qeveria. Qytetarët e këtyre komunave duhet ta ndjejnë dorën e shtetit”, ka thënë Gashi, shkruan Reporteri.net.

Kujtojmë se Istogu është njëra nga komunat që është prekur më së shumti nga vërshimet e javës së kaluar, bashkë me Skenderajn e Mitrovicën.

Sipas raportimeve, dëmet e shkaktuara nga vërshimet cilësohen të jenë milionëshe.