Shumë qytetarë janë mbledhur në sheshin “Skënderbeu” në Prishtinë në atë që është quajtur “prova e dytë për protestë” e organizuar nga lëvizja Vetëvendosje.

Protesta po mbahet në tri sheshe të Prishtinës: Në sheshin “Skënderbeu”, në sheshin “Ibrahim Rugova”, si dhe në sheshin “Adem Jashari”.

Këto sheshe i kufizojnë godinat e institucioneve qendrore: Presidencës, Kuvendit dhe Qeverisë.

Nga, aty protesta po vëzhgohet edhe nga zyret e grupit parlamentar të VV-së, shkruan Reporteri.

Shefi i deputetëve të VV-së, Rexhep Selimi, deputetët Artan Abrashi e Gazmend Gjyshnica nga distanca po vëzhgojnë ecurinë e provës së dytë për protestë.

Bashkë me ta e buzëqeshur shihet edhe ministrja e Drejtësisë, Albulena Haxhiu.

Ndryshe, edhe më herët në sheshet e Prishtinës janë organizuar ‘prova për protesta’, por me një numër më të vogël të pjesëmarrësve.  /Reporteri.net