Deputeti i Kuvendit të Kosovës, Blerim Kuçi, është mbrojtur në heshtje, gjatë marrjes në pyetje nga Zyra e Prokurorit të Specializuar të Gjykatës Speciale.
Kuçi, që deri tani është zyrtari më i lartë në detyrë i ftuar nga Specialja, ka përfunduar marrjen në pyetje gjatë së hënës.
Avokati Artan Qerkini ka thënë se deputeti është ftuar në cilësinë e të dyshuarit.
Të dielën kur Kuçi ka udhëtuar për në Hagë, shumë anëtarë të AAK-së kanë dalë për ta përcjellë në Aeroportin “Adem Jashari”.
Avokati Qerkini ka thënë se deputeti Kuçi, do të kthehet të mërkurën në Kosovë.
Nënkryetari i AAK-së, është ftuar për intervistim nga Gjykata Speciale në fund të shkurtit të këtij viti.
Ndërkohë, Organizata e Veteranëve të Luftës së UÇK-së, ka njoftuar se ditëve në vazhdim do të ketë ftesa të reja ndaj ish-ushtarëve të UÇK-së për t’u marrë në pyetje nga Specialja.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.