Deputeti i Kuvendit të Kosovës nga radhët e Lidhjes Demokratike të Kosovës, Ramiz Kelmendi, ka folur rreth zgjedhjeve parlamentare që pritet të mbahen pas shpërbërjes së Kuvendit të Kosovës.

Kelmendi ka thënë në T7, se LDK-ja mund të bëjë koalicion me Lëvizjen Vetëvendosje, një parti me të cilën ai vetë ka pasur vazhdimisht përplasje.

Sipas Kelmendit, LDK-ja do të mund të lidhte koalicion me patinë e Albin Kurtit “për shkak të interesit”.

Por, ai ka paralajmëruar partinë e tij se një koalicion me VV-në do të mund t’i bënte dëm LDK-së dhe një qeverie që do të mund ta formonin këto dy parti.

“VV-ja ka qëndrime më socialiste, më komuniste, nuk janë të akceptueshme nga bota perëndimore”, është shprehur ai.