Deputeti i AAK-së Shkumbin Demaliaj ka bërë një huqje rreth Spanjës, duke folur për shtetet e BE-së që nuk e kanë njohur Kosovën.

Në një intervistë për RTK-në, Demaliaj pretendon se shtetet e Bashkimit Europian që nuk e kanë njohur Kosovën si shtet, janë shtete që shumicën e popullsisë e kanë të besimit ortodoks.

Ai aty përfshinë edhe Spanjën. Derisa moderatori i ndërhynë për t’i treguar se Spanja nuk e ka shumicën e popullsisë të tillë, deputeti i AAK-së insiston se spanjollët shumica janë ortodoks.

“Edhe Spanja janë ortodokse, një pjesë e madhe bile”, thotë ai.

Të dhënat janë ndryshe. Spanja llogaritët që ka 68.9% të popullsisë të besimit katolik.

27.1% të spanjollëve janë të deklaruar që nuk i përkasin asnjë religjioni. Derisa 2.8% e popullsisë në Spanjë janë deklaruar se i përkasin religjioneve tjera, ku mund të përfshihen edhe besimtarët ortodoks. /Reporteri.net/.