Lëvizja Vetëvendosje po vazhdon të kundërshtojë mocionin për rrëzimin e qeverisë në krye me Albin Kurtin, që kur për këtë paralajmëroi shefi i LDK’së, Isa Mustafa.

Deputeti i kësaj partie, Eman Rrahmani, ka shkruar në profilin e tij zyrtar në Facebook se populli ka zgjedhur që t’i shërbejë Albin Kurti si kryeministër.

Ai tutje thotë se qytetarët nuk kanë zgjedhur që t’i vjedhin, kryetari i LDK’së Isa Mustafa dhe presidenti Hashim Thaci.

“Populli ka zgjedh me i shërby Albini, jo me i vjedh Isa e Hashim! #meKryeministrin”, thotë Rrahmani.

Ndryshe, ky reagim është në vazhdën e sulmeve që zyrtarët e VV-së nisën ndaj Mustafës, pasi ky i fundit paralajmëroi mocion ndaj Qeverisë.