Deputeti i Vetëvendosjes, Fitim Uka, në foltoren e Kuvendit të Kosovës, ka akuzuar qeverinë për vdekjen e qytetarëve nga COVID-19, sipas tij, kjo për shkak të masave të kota.

“Njerëzit po vdesin nga COVID-19 dhe nuk deklarohen si të tillë, ju vazhdoni të mashtroni por e vërteta është e qartë, vdekjet po vijnë nga masat e kota”, tha Uka.

Ai më tutje tha se Qeveria Hoti ka rrezikuar qytetarët dhe nuk u ka ofruar siguri atyre.

“I keni rrezikuar qytetarët ,pandemia do të përfundojë e ju nuk do të përuroni spitalin anti-covid të cilët e keni premtuar, e keni sjellë vaksinën e gripit sezonal 2 muaj me vonesë. Me pazotësinë tuaj ju e keni sëmurë shëndetësinë, e keni rrënuar ekonominë, por masa më e mirë që mund të merrni kundër COVID-19, është dorëheqja juaj”, përfundoi ai.