Deputeti i Lëvizjes Vetëvendosje, Alban Hyseni, ka thënë për opozitën se asnjëherë nuk kërkuan nga Serbia kërkim falje për krimet e luftës.

Kështu u shpreh ai nëpërmjet një postimi në Facebook, gjersa shtoi se ata asnjëherë nuk kërkuan kthimin e të pagjeturve, asnjëherë nuk kërkuan drejtësi për mijëra të dhunuara e të dhunuar gjatë luftës.

“Asnjëherë nuk kërkuan kompensimin e dëmeve të luftës. Votuan Gjykatën Speciale! Ofendojnë e dhunojnë Kuvendin. Askush nuk beson në ju. Kauzat tuaja e veprimet tuaja janë të rreme. Ju nuk jeni vetëm turpi por edhe fatkeqësia e vendit”, shkroi ai.