Policia e Kosovës, gjegjësisht Drejtoria e Krimeve të Rënda, Njësia për Krime të Luftës ka arrestuar të enjten Dervish Krasniqin(1949), nën dyshimin se në vitet 1998-99 ka kryer krime lufte kundsr popullatës civile, shkruan Reporteri.net.

Një burim i Gazetës Online “Reporteri.net” ka bërë me dije se Dervish Krasniqi është arrestuar në pikëkalimin kufitar ndërmejt Kosovës dhe Maqedonisë së Veriut në Han të Elezit.

Ky burim thotë se arrestimi i tij është kryer në mëngjesin e së enjtes, pasi që i dyshuari ka qenë në ‘stoplistë’ dhe ndaj tij është i ngritur një kallëzim penal mbi dyshimin e bazuar për veprën penale “Krime lufte kundër popullsisë civile”

Me vendim të Prokurorit ai është dërguar në Qendrën e Ndalimit në Prishtinë. /Reporteri.net.