Kuvendi i Republikës së Kosovës sërish në rend të ditës ka pasur votimin në parim të projektligjit për Mbrojtjen e Vlerave të UÇK-së.

Me 36 vota për, asnjë kundër dhe asnjë abstenim, ka dështuar të votohet në parim ky projektligj, shkruan Reporteri.net.

LDK dhe VV nuk morën pjesë në votim, kurse PDK-ja e përkrahu projektligjin.

Projektligji për vlerat e Luftës, i iniciuar nga deputeti i PDK-së, Gazmend Bytyqi, është kritikuar edhe nga bashkësia ndërkombëtare. Ambasadorët e shteteve mike të Kosovës, kanë bërë thirrje që ky ligj të mos votohet, meqë sipas tyre ky ligj “është mënyrë e gabuar për të treguar respekt për UÇK-në”. /Reporteri.net