Pak minuta pasi që dyshohet se B.V., 61 vjeç kreu krimin e rëndë-vrau gruan e tij 42-vjecare, ai e kishte telefonuar policinë. “E kam vrarë gruan”, u kishte thënë zyrtarëve të hetuesisë 61-vjeçari.

Në vendin e ngjarjes sipas policisë në rrugën “Hysni Morina” të Prizrenit ai kishte gjuajtur 15 plumba. E ndjera ka vdekur në vendin ku ka ndodhur krimi. Çifti kishte më shumë se 2 javë që kishin ardhur në Kosovë. Ata nuk kanë fëmijë nga martesa e tyre. Por kjo ishte martesa e dytë e çiftit. Që të dy kishin fëmijë nga martesat e para. Sipas prokurorisë çifti nuk njihej si problematik.

Gjatë muajit korrik B.V., 61 vjeç e gruaja e tij tani e ndjerë, A.V., 20 vjet më e re se dorasi, kishin ardhur për pushime në Kosovë. Por problemet e çiftit bënë që 61-vjecari ta mbysë gruan e tij. E menjëherë pas aktit të rëndë, ai e kishte lajmëruar policinë e Kosovës duke u thënë “E kam vrarë gruan”.

Policia në vendin e ngjarës ka shkuar pak pas orës 23:00 të mbrëmjes. Aty është gjetur viktima A.V e cila është gruaja e të dyshuarit për vrasjen. Nga vendi i ngjarës janë konsiskuar 15 gëshoja të pëlumbave me të cilat dyshohet të jetë kryer ngjarja e rëndë.

Për Gazetën, detaje rreth kësaj ngjarjeje të rëndë ka dhënë edhe prokurorja që po merret me rastin

Prokurorja e rastit, Ervehe Gashi, ka dhënë për Gazetën Express detaje se si ka ndodhur rasti, duke treguar se i dyshuari ka telefonuar vetë policinë pasi dyshohet se e ka vrarë bashkëshorten e tij.

“Vet i dyshuari e ka telefonuar policinë mbrëmë rreth orës 23:00, dhe ka raportuar se e ka vrarë bashkëshorten e tij. Megjithatë ende nuk e kam pranuar deklaratën e tij që e ka dhënë në polici dhe ende nuk dihet motivi i saktë i vrasjes”, ka thënë Gashi.

Ajo tutje ka shtuar se është bërë ekzaminimi i vendit të ngjarjes, ku janë gjetur më shumë se një gëzhojë.

“Trupi i viktimës është dërguar në IML, ndërsa i dyshuari është në ndalim për 48 orë dhe do të kërkohet masa e paraburgimit ndaj tij”, ka thënë prokuroria.

Tutje, prokurorja ka bërë të ditur se ka verifikuar nëse nga viti 2005 e deri më tani ka ndonjë rast të paraqitur për dhunë në familje nga viktima, por e njëjta ka thënë se nuk ka gjetur një rast të tillë.