Një aksident trafiku ka ndodhur në magjistralen Prishtinë-Pejë, konkretisht në fshatin Gllarevë. Aksidentin e ka konfirmuar për Reporteri.net edhe Policia rajonale e Pejës.

“Aksidenti ka ndodhur në ora 19:05. Ngasësi i automjetit ka dalë nga rruga për shkak të shpejtësisë. Katër femra dhe një mashkull kanë mbetur të lënduar. Të lënduarit janë dërguar në spitalin rajonal të Pejës nën përcjelljen e policisë. Një nga femrat është në gjendje më të rëndë”, ka deklaruar Xhevat Ibraj zëdhënës i policisë rajonale të Pejës për Reporteri.net.

Reporteri.net ka mësuar se të lënduarit janë studentë dhe vijnë nga komuna e Gjakovës, përjashtuar një prej tyre që vije nga qyteti i Gjilanit.

“I lënduari mashkull është i vitit 1997, nga komuna e Gjakovës, femra që është lënduar më rëndë nga komuna e Prishtinës e vitit poashtu 1996, kurse tre femrat tjera të vitit 1995, njëra prej tyre është nga komuna e Gjilanit”, ka deklaruar burimi i Reporteri.net.

Kujtojmë se sot ndodhën edhe dy aksidente trafiku në Prishtinë.

Njëri në magjistralen Prishtinë-Ferizaj, përkatësisht në Babush, ku janë përfshirë dy vetura, një prej tyre taksi dhe tjetri te shkolla “Ali Sokoli” ku një motoçiklist mbeti i lënduar pasi u përplas nga një veturë.