Tre vëllezër mbetën të plagosur mbrëmë në inicidentin që ndodhi në fshatin Jashanicë të Klinës.

Gazeta Online Reporteri.net mëson nga burimet se një nga vëllezërit me inicialet S.B. u plagos me armë zjarri, kurse N.B dhe një vëlla tjetër janë plagosur nga mjetet e forta.

Reporteri.net mëson se personat e arrestuar janë me inicialet B.H dhe E.H. nga fshati Jashanicë.

Zëdhënësi i Policisë për rajonin e Pejës, Fadil Gashi tregoi se ngjarja ka ndodhur rreth orës 22:41, kurse ka shtuar se njëri nga të dyshuarit është larguar nga vendngjarja.

I njëjti ka bërë të ditur se tre të lënduarit janë dërguar për trajtim mjekësor.

“Rreth orës 22:40 në fshatin Jashanicë të Klinës, tre persona janë plagosur, një me armë zjarri dhe dy të tjerë me mjete të forta. Personi i plagosur me armë është në gjendje të rëndë shëndetësore. I dyshuari është larguar nga vendi i ngjarjes”, ka deklaruar Gashi. /Reporteri.net/.