×
  • Lajme
  • Lajme

    Dialogu Kosovë-Serbi, nis takimi trepalësh në Bruksel

    Reporteri
    08 Shtator 2021 | 14:02

    Në Bruksel ka nisur takimi ndërmjet delegacioneve të Kosovës dhe Serbisë, me ndërmjetësimin e përfaqësuesit të bllokut evropian për dialogun, Miroslav Lajçak.


    Këtij takimi i paraprin dy takime të ndara të delegacioneve të Kosovës dhe Serbisë me Lajçakun dhe ekipin e tij, që u zhvilluan më 7 shtator.

    Takimi i 8 shtatorit po mbahet pavarësisht se palët një ditë më herët thanë se nuk kanë arritur pajtim as për rendin e ditës së takimit trepalësh.

    Më 7 shtator, delegacioni i Kosovës, i udhëhequr nga zëvendëskryeministri, Besnik Bislimi ka diskutuar me BE-në për temën e të pagjeturve, energjetikës, targave të veturave dhe për vizitat zyrtare, pasi Prishtina zyrtare ia ndaloi hyrjen shefit të delegacionit të Serbisë, Petar Petkoviq.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!