Zëvendës ndihmës sekretari amerikan i shteti, Matthew Palmer do të vijë sërish në Kosovë.

Burime të reporteri.net kanë bërë të ditur se Palmer do të ketë takime me udhëheqësit institucional e opozitar në vend.

Zëvendës ndihmës sekretari i shtetit në takimet liderët politik në Kosovë do bisedojë për dialogun me Serbinë.

Shtetet e Bashkuara të Amerikës nuk kanë kundërshtuar linjën politike të presidentit Hashim Thaçi, që si opsion të marrëveshjes me Serbinë parasheh edhe lëvizjen e kufijve.

Në anën tjetër, kryeministri Ramush Haradinaj ka kundërshtuar ashpër këtë linjë, dhe është pozicionuar në linjën gjermane, e cila që në fillim të plasimit të idesë së korrigjimit të kufirit me Serbinë, ka dalë kundër saj.

Kjo, dhe taksa e vendosur ndaj produkteve serbe, e ka futur dialogun Kosovë-Serbi në një qorrsokak, dhe duke ulur shpresat se shpejtë do të arrihet një marrëveshje finale në mes të Beogradit dhe Prishtinës. /reporteri. net