Sot në Kosovë do të mbajë mot i vranët dhe me intervale kohore me diell. Pasdite në disa rajone mund të ketë riga apo rrebeshe të izoluara shiu. Temperatura maksimale pritet të arrijë deri në 24 gradë Celsius.

Nesër (të shtunën) mbi rajonin tonë do të depërtojë një masë ajrore anticiklonike e cila do të shkaktojë ngritje të temperaturave dhe largimin e përkohshëm të reshjeve atmosferike. Pra, priten intervale të gjata kohore me diell, vranësira të pakta dhe shumë rrallë në ndonjë rajon në Kosovë mund të ketë ndonjë rigë apo rrebesh të izoluar shiu.

Të dielën në tërë rajonin pritet mot mjaft i nxehtë dhe kryesisht me diell. Pasdite vonë në Kosovë (sidomos në gjysmën veriore të vendit) priten zhvillime të fuqishme të vranësirave konvektive të cilat do të kushtëzojnë rrebeshe lokale shiu me vetëtima, bubullimë dhe mundësi edhe për breshër.

Nga e hëna në tërë rajonin përsëri pritet të kemi mot të paqëndrueshëm, me intervale kohore me diell dhe rrebeshe të lokalizuara shiu.