Sot rreth orës 11:00 është djegur një objekt brenda Parkut të Biznesit në Drenas.

Rastin e ka konfirmuar për Gazetën Online Reporteri.net zëdhënësja e policisë për rajonin e Prishtinës, Flora Ahmeti.

E njëjta ka bërë të ditur se në vendngjarje janë zjarrëfikësit dhe policia të cilët po merren me rastin.

“Sot rreth orës 11:00, kemi pranuar informatën për një incident zjarri në një fabrikë në fshatin Korroticë e Epërme të Drenasit. Në vendngjarje janë zjarrfiksit dhe policia të cilët po merren me rastin. Për detaje njoftoheni me kohë”, tha Ahmeti për Reporteri.net.