Në autostradën “Ibrahim Rugova” një kamionetë është përfshirë nga flakët. Mësohet se nuk ka të lënduar.

Kjo raportohet se ka ndodhur pak para orës 14:00.

Lidhur me këtë Reporteri ka kontaktuar policinë në Prishtinë e cila ka konfirmuar rastin.

“Të nderuar ju njoftojmë se patrulla policore ka arritur në vendin e ngjarjes dhe ka parë se një kamionet e tipit ‘Sprinter Mercedes’ është djegur në tërësi e cila ka qenë duke lëvizur në drejtim të Prishtinës. Automjeti ka qenë me targa lokale”, ka deklaruar Kelani për Reporteri.net.

Ai më tej ka thënë se për ngjarjet e më tejme lidhur me këtë rast do njoftohen mediat me kohë.

Kujtojmë se policia ka dalë në vendin e ngjarjes, ndërsa kamioni gjendet skaj rrugës.

/Reporteri.net/.