Në Ditën Botërore të Sindromës Down, presidentja Vjosa Osmani u ka dhënë mbështetje personave me këtë sindromë.

Ajo ka thënë se ata janë janë burim frymëzimi dhe dashurie për të gjithë.

“Është detyra jonë të angazhohemi për mbështetjen e tyre, duke krijuar mundësi të barabarta dhe një mjedis ku ata mund ta shprehin plotësisht potencialin e tyre. 💙 Në Ditën Botërore të Sindromës Down, takova persona të jashtëzakonshëm—plot energji, dashuri dhe forcë. Një moment frymëzues që na kujton rëndësinë e një shoqërie më gjithëpërfshirëse dhe mbështetëse. Le ta vazhdojmë së bashku këtë rrugëtim!”, ka shkruar presidentja e cila edhe ka publikuar një video nga takimi.