Nënstacioni elektrik pranë stadiumit “Fadil Vokrri” në Prishtinë është përfshirë nga zjarri.

Zjarrfikësit tashmë ndodhen në vendin e ngjarjes, ndërkaq disa lagje në Prishtinë kanë mbetur pa energji elektrike, shkruan gazeta online Reporteri.net.

KEDS ka dal me njoftim duke bërë të ditur se ende nuk dihet shkaktari i zjarrit dhe se janë duke punuar për ta sanuar atë.

Në njoftim thuhet se një numër i caktuar i konsumatorëve nuk kanë rrymë.

KEDS thotë se aktualisht po punohet në pastrimin e hapësirave të shkaktuara nga zjarri, ndërkaq nuk dihet akoma se çka e shkaktoi atë.

“Ekipet e KEDS-it ndodhen në vend dhe po punojnë në mënyrë intensive për kthimin në normalitet të gjendjes”, njofton KEDS.