Pas kalimit nga Grupi Parlamentar i Lëvizjes Vetëvendosje në atë të Lidhjes Demokratike të Kosovës, LVV e zëvendësoi Doarsa Kica Xhelilin si Kryesuese e Komisionit për Administratë Publike me deputetin Valon Ramadani, raporton gazeta online Reporteri.net.

Gjithashtu Doarsa Kica Xhelili u zëvendësua edhe si anëtare e këtij komisioni, nga deputetja e LVV-së, Arbreshë Hyseni Kryeiu, si dhe në Komisionin për Legjislacion u zëvendësua nga Saranda Bogujevci.

Në anën tjetër, Lidhja Demokratike e Kosovës, Kujtim Shalën e zëvendësoi me Doarsa Kica Xhelilin si anëtare e Komisionit për Punë të Jashtme dhe Disasporë.

Doarsa Kica Xhelili kohëve të fundit u shkëput nga grupi parlamentar i LVV-së, si dhe nga Lista Guxo, për të kaluar në Lidhjen Demokratike të Kosovës.

Lëvizja Vetëvendosje dhe Lidhja Demokratike e Kosovës i votuan këto zëvendësime në Kuvendin e Kosovës.

Ajo sot për herë të parë mori pjesë në seancën parlamentare të sesionit vjeshtor në bankat e LDK-së./Reporteri.net/.

Doarsa Kica ulet në rend të parë kah LDK-ja në Kuvend, ua bën me dorë deputetëve të VV-së