Presidenti i Kosovës, Hashim Thaci gjatë ditës së djeshme gjatë qëndrimit në Tiranë ku bashkë me liderë të tjerë të Ballkanit Perëndimor mori pjesë në samitin e Brdo-Brijonit tha  se lideri i serbëve të Bosnjës, Milorad Dodik nuk është dashur fare të ftohet në këtë samit.

Madje presidenti Thaçi kishte refuzuar edhe të shtrëngojë duart me të.

E ndaj këtyre deklaratave, është kundërpërgjigjur sot Dodik i cili ka thënë se Hashim Thaçi, nuk është dashur të përmend Republikën Srpska dhe të flasë në mënyrë kritike për të, sepse Serbia nuk është imagjinare, por realitet, transmeton Reporteri.net.

Për deklaratën e Thaçit se “ai nuk do të lejojë Republikë Serbe në Kosovës”, Dodik iu përgjigj Thaçit se serbët nuk kanë pretendime territoriale ndaj Kosovës sepse ajo është Serbi.