Dogana ka ndjekur nga mbrapa një veturë ngasësi i së cilës dyshohet se është kontrabandues i mallrave.

Në disa pamje të siguruara nga RTK, pas disa kilometrash, vetura ndalohet, ndërsa personi arrestohet nga zyrtarët Doganorë të Kosovës.

Ngjajshëm ka edhe mallra që vijnë nga Mitrovica e veriut për tu futur në jug.

Aksione të tilla janë shpeshtuar nga Dogana e Kosovës për të luftuar kontrabandën, ku vetëm gjatë ditës së djeshme janë konfiskuar edhe 200 telefona mobilë në Prishtinë.

“Gjatë këtij viti numri i kundëvajtjeve të mallrave që i kemi konfiskuar deri tani ka arritur afër 4 milionë euro, ndërsa vitin e kaluar kemi pasur më pak rreth 3 milionë euro, ka edhe një numër të zbulimeve të kundërvajtjeve doganore.”, tha Adriatik Stavileci nga Dogana e Kosovës.

Gjatë kontrollove doganore, zyrtarët hasin edhe në pije alkoholike, muaj më parë u konfiskuan pesëmbdhjetë mijë litra raki, përvec kësaj kontrabandohet edhe me naftën.

“Është i lehtë për transport kemi pasur të kontrabandës me ujë kemi edhe produkte të tjera sica është ari ka edhe raste të kontrabandimit të derivateve të naftës arsyeja e kontrabandës është takasa e akcizës”, shtoi Stavileci.

Edhe paketimet me cigare të cilat konfiskohen merren dhe asgjesohen nga dogana, përvec tyre, dogana ka hasur edhe në kontrabandim me ngjyra per lyerje të shtepive.