Donjeta Miftari, një “militante” e Albin Kurtit që kishte përfunduar si këshilltare në kabinetin e Presidentes Vjosa Osmani nuk është më në të njëjtën pozitë në Presidencë.

Angazhimi i saj në kabinetin e Presidentes Vjosa Osmani ka marrë fund tashmë. Arsyetim për këtë, ajo ka dhënë kthimin në Londër, që e quan “shtëpi”, shkruan gazeta online Reporteri.net.

“Pas disa vitesh të jashtëzakonshme pune në vendin tim të mrekullueshëm të lindjes, ka ardhur koha që unë të kthehem në shtëpi në Londër. Një falënderim nga zemra për Presidenten e shquar dhe frymëzuese e cila më dha mundësinë dhe nderin e jashtëzakonshëm të punoja në ekipin e saj”, ka njoftuar Miftari në Twitter.

After an incredible few years of working in my wonderful country of birth, the time has come for me to return home to London.

A heartfelt thank you to the remarkable &inspiring President @VjosaOsmaniPRKS who gave me the extraordinary opportunity & honour of working on her team. pic.twitter.com/S76kiDv9E0

— Donjeta Miftari (@miftaridonjeta) June 30, 2023

Miftari, të paktën nga gjuha e komunikimit dhe reagimeve të saj në rrjetet sociale, paraqitej më shumë si një militante e thjeshtë e Albin Kurtit dhe Lëvizjes Vetëvendosje, sesa një këshilltare e Kabinetit të Presidencës së Kosovës.

Madje, ish-Këshilltarja kryesore për komunikim e Presidentes Vjosa Osmani, Donjeta Miftari, vetëm pak javë më parë kishte “shpërthyer” në akuza ndaj ambasadorit të SHBA’vë në Beograd, Cristopher Hill, duke e pretenduar se diplomati amerikan “ka vendosur të rishkruajë historinë në përpjekjet e tij për ta sjellë Serbinë në grixhë”. Ndërkohë që qasja e Presidentes Osmani në veçanti ndaj SHBA’së ka qenë e kujdesshme dhe më e moderuar.

Reagimi ndaj Hillit, nuk kishte qenë i vetmi kundërshtim që Miftari i kishte bërë politikës amerikane për Rajonin dhe asaj të Perëndimit në veçanti. Ajo kishte “cicëruar” edhe “një goditje” ndaj komunitetit ndërkombëtar, të cilët në një moment e shihnin Vuçiqin si “palë konstruktive” në kuadër të procesit të dialogut.

Donjeta Miftari, në cilësinë e Këshilltares së Presidentes Osmani, në një rast kishte shpërndarë në Tëitter si linqe edhe një opinion të zëdhënëses së Kremlit për Ukrainën, ndonëse kishte “cicëruar” si formë reagimi. Shpërndarja e linqeve të faqeve të Kremlinit, për shumë kë mund të konsiderohet edhe si promovim i propagandës së Kremlinit, ndërkohë që shumë shtete, përfshirë Kosovën, pas pushtimit rus në Ukrainë e kanë bllokuar qasjen në to.

Kur jemi tek “skandalet” e saj, nuk duhet harruar edhe shpërndarjen që ajo i kishte bërë reagimit të Prindon Sadriut ku ai sulmonte rënë mediat dhe gazetarët në Kosovë.

Nga ana tjetër, më të përmbyllur “misionin” e saj në Presidencë, Donjeta Miftari del se “e ka braktisur” edhe Facebook’un. Profili i saj, i mbushur me qëndrime militanteske, në këtë rrjet social, nuk mund të gjendet më.

“Ndërsa filloni një kapitull të ri në rrugëtimin tuaj profesional, ne shprehim falënderimet tona të sinqerta për punën e palodhur, përkushtimin dhe pasionin që keni demonstruar vazhdimisht. Ju urojmë më të mirat”, ka qenë urimi që i ka bërë Presidenca ish-këshilltares së Vjosa Osmanit pas largimit të saj nga puna. /Reporteri.net/.

Thank you @miftaridonjeta!

As you embark on a new chapter in your professional journey, we extend our sincere thanks for the hard work, dedication, & passion you have consistently demonstrated.

We wish you the very best! https://t.co/OHPA81wTrz

— Office of the President, Republic of Kosovo ?? (@Presidenca_RKS) June 30, 2023