Kryetari i Këshillit për Kosovën në Kuvendin e Serbisë Milovan Drecun ka njoftuar për grumbullimin e dëshmive kundër Ramush Haradinajt.

Këshilli për Kosovën në Kuvendin e Serbisë ka mbledh dëshmi të reja kundër Ramush Haradinajt, ka bërë të ditur kryetari i saj, Milovan Drecun.

Ai po ashtu theksoi se janë identifikuar gati 160 burgje të UÇK-së.

Drecun si mysafir në “RTS” deklaroi se Këshilli për Kosovën është i angazhuar në mbledhjen e sa më tepër dëshmive kundër Haradinajt, transmeton lajmi.net.

“Në këtë kuptim mendoj se jemi në rrugë të mirë, ekzistojnë dëshmi të mjaftueshme, por i takon Gjykatës Speciale të vlerësojë se si është kualiteti i dëshmive dhe nëse do të ngrisë akuzë”, u shpreh ai.

Drecun ka thënë se dokumentacioni është i sigurt dhe ekziston bashkëpunim edhe me Gjykatën Speciale.

“Punojmë pandërprerë. Dëshmijtë të shohim se cilat materiale do t’i kërkojnë, e pastaj do t’ua japim dokumentacionin. Ne kemi krijuar tabelë me të gjitha krimet e bëra. I kemi identifikuar krimet, kryesit e tyre dhe dëshmitarët e mundshëm”, theksoi ai.