Policia e Kosovës ka arrestuar një të dyshuar i cili ishte i dënuar me katër vite burg për vjedhje të rëndë.

Lajmin për Reporterin e ka konfirmuar zëdhënësja e PK-së për rajonin e Prishtinës, Flora Ahmeti.

“Sot nga njësitet policore të Drenasit, është arrestuar një person i dyshuar për të cilin kishte urdhëresë të gjykatës”, tha Ahmeti.

Ahmeti u shpreh se aksioni i policisë është kryer sot në fshatin Korreticë e ulët, ku është arrestuar personi me inicialet L.R., 35-vjeç i cili për një kohë të gjatë i është shmangur policisë.

“Personi i arrestuar pas përfundimit të procedurave policore, është dërguar në vuajtje të dënimit”, tha ndër të tjera Ahmeti.