Qeveria Hoti deri më tani ka emëruar 33 zëvendësministra, mes tyre edhe disa të AAK-së.

Disa prej tyre kanë konfirmuar edhe vetë gjatë ditës se tashmë janë emëruar në këtë post.

Driton Bardheci i Aleancës për Ardhmërinë e Kosovës,  ka njoftuar se është emëruar zv.ministër i Arsimit, në Qeverinë Hoti.

Ai e ka falënderuar kryetarin e AAK-së, Ramush Haradinaj, për besimin e dhënë.

Driton Bardheci, u bë i njohur në një aksion protestues të Rinisë së AAK-së, para qeverisë së Kosovës, në kohën kur kjo udhëhiqej nga Albin Kurti, e që kishte të bënte me vendimin për heqjen e taksës ndaj mallrave serbe.