Kryesia e Lidhjes Demokratike e Kosovës ka vendosur për njerëzit e saj në Qeverinë e udhëhequr nga Avdullah Hoti, shkruan Reporteri.

Gazeta Online ‘Reporteri.net’ ka mësuar nga burime të sigurta se Lidhja Demokratike e Kosovës tashmë është përcaktuar për ministrat e saj në Qeverinë Hoti, e cila pritet të votohet nesër në Kuvendin e Kosovës, nga ora 11:00.

Sipas burimeve të sigurta, Zv. Kryeminister, Driton Selmanaj

Ministre e Financave, Hykmete Bajrami

Ministër i Punëve të Brendshme, Agim Veliu

Ministër i Mbrojtjes, Anton Quni

Ministre e Kulturës, Rinisë dhe Sportit, Vlora Dumoshi

Ministër i Bujqësisë, Besian Mustafa

Ministër i Shendetësië, Armend Zemaj

Ministër i Infrastrukturës,  Arban Abrashi.

Lumir Abdixhiku, që ishte në këtë mandat Ministër i Infrastrukturës, nuk ka pranuar të jetë në Qeveri.

Nga kjo listë, befasues mund të duket emri i Driton Selmanaj, që po merr pozitën e dytë në Qeveri nga radhët e LDK-së.

Selmanaj që po bëhet deputet për herë të dytë dhe humbi garën për Kryetar të LDK-së në Prizren kohëve të fundit pati një betejë të ashpër me nënkryetaren e LDK-së, Vjosa Osmani e cila po e kundërshton Qeverinë e udhëhequr nga partia e saj.

Në një seancë pas rrezimit të Qeverisë, Selmanaj ishte marrë me një interpretim ligjor të Kryetares së Kuvendit, Vjosa Osmani, e cila menjëherë reagoi me nervozë duke e akuzuar atë të mos shpifë dhe mos të flasë në emër  të saj. Kur Selmanaj sërish tentoi ta perseris interpertimin e njejtë ajo ia ndali fjalën. Ky moment u bë viral edhe në mediat sociale.

/Reporteri/