Organizata e cila merret me monitorimin e universiteteve publike në Kosovë, “Demokracia Studentore”, ka paralajmëruar se nesër përmes një konference për medie do të publikohen faktet se Isa Mustafa është duke u paguar nga Universiteti i Prishtinës, ani pse ai nuk shkon të ligjërojë.

Në komunikatën e dërguar për medie, DS thotë se nesër në ora 11:00 do të prezantohen faktet që kreu i Lidhjes Demokratike të Kosovës është profesor i rregullt në Fakultetin Ekonomik dhe që nga viti 2016 nuk ka shkuar asnjë ditë në punë, shkruan Reporteri.net.

Një gjë të tillë e ka mohuar vetë UP, të cilët thonë se Mustafa nukka marrë rrogë nga ky institucion që nga viti 2016.

Ndaj këtij lajmi ka reaguar edhe i pari i LDK-së, Isa Mustafa, i cili ka thënë se nuk ka mundur ta vazhdojë punën në Fakultetin Ekonomik për shkak të sëmundjes që ka, ani pse është ftuar nga Fakulteti. /Reporteri.net